Արմինֆո. Այս կառավարությունը ՝ իր ղեկավարի գլխավորությամբ, սկզբից մինչև վերջ տապալեց երկրի կառավարումը։ Այդ մասին Հանրապետության հրապարակում "Տավուշը հանուն հայրենիքի " շարժման հանրահավաքի ժամանակ հայտարարել է ՀԱԵ Տավուշի թեմի առաջնորդ Բագրատ Սրբազանը։ Մասնավորապես, նա ընդգծել է, որ իշխանությունները ձախողել են քաղաքականությունը բոլոր ուղղություններով ՝ քանդել են անվտանգային ողջ համակարգը ֆիզիկական իմաստով, առաջին իսկ օրվանից թիրախավորել են եկեղեցին, հարվածներ հասցրել մեր ինքնության հիմքերին, մտցրել "իրական Հայաստան - պատմական Հայաստան", "Արարատ-Արագած" կեղծ նարատիվները ։ Սրբազանը հայտարարել է, որ Նիկոլ Փաշինյանի կառավարությունը քանդել է նաև կրթական համակարգը, դպրոցներում ավելացել է թմրանյութերի շրջանառությունը, ամեն ինչ տեղի է ունենում առանց որևէ վերահսկողության, սերնդին փորձում են զրկել մտածելու կարողությունից:

Արմինֆո. Հիմա, երբ Հայաստանը հասցվել է անվերադարձ վիճակի, եկել է ժամանակը կանգ առնելու և դիմելու իսկապես եղբայրական, ժամանակին փորձված ընկերներին, կանգնելու ոչ թե կապիտուլյացիայի, այլ անբաժանելի անվտանգության սկզբունքներով արդար խաղաղության ճանապարհին: Այդ մասին ասվում է  «Համահայկական ճակատ» շարժման և կուսակցության առաջնորդ, ՀՀ պաշտպանության նախկին նախարար, գեներալ-մայոր Արշակ Կարապետյանի ուղերձում՝ ՀՄՊ հաղթանակի 79-րդ տարեդարձի կապակցությամբ:

Արմինֆո. Ժամը 14.30-ի դրությամբ  քաղաքացիները հավաքվում են քաղաքի տարբեր հատվածներում ՝ երթով Հանրապետության հրապարակ գնալու համար, որտեղ ժամը 16.00-ին կմեկնարկի համազգային հանրահավաքը:

Արմինֆո. Հաղթական անցյալի ներշնչանքով և լուսավոր ապագայի հույսով, բայց նաև ծանր զգացումներով ենք այսօր դիմավորում Հաղթանակի և խաղաղության տոնը, տոնը Հայրենական մեծ պատերազմում հաղթանակի, Շուշիի ազատագրման և Արցախի պաշտպանության բանակի ստեղծման տարեդարձի: Այդ մասին ասվում է Ն.Ս. Օ. Տ. Տ. Գարեգին Բ Ամենայն Հայոց Կաթողիկոսի ուղերձում ՝ Հաղթանակի և խաղաղության տոնի առթիվ:

Արմինֆո. Այսօր՝ մայիսի 9-ին, Արցախի Հանրապետության նախագահ Սամվել Շահրամանյանն այցելել է <Եռաբլուր> զինվորական պանթեոն և ծաղկեպսակ դրել Հայրենիքի ազատության և անկախության համար իրենց կյանքը զոհաբերած հայորդիների քաջությունը հավերժացնող հուշապատին: Շահրամանյանին ուղեկցում էին Արցախի կառավարության անդամներ, Արցախի Ազգային ժողովի պատգամավորներ, հոգևորականներ, այդ թվում՝ Դադիվանքի վանահայր Հայր Հովհաննեսը:

Արմինֆո. Հայաստանի բարձրագույն ղեկավարությունը Հայրենական մեծ պատերազմում հաղթանակի 79-րդ տարեդարձի կապակցությամբ այցելել է Հաղթանակի զբոսայգի:

Արմինֆո.IDBank-ը մեկնարկում է սոցիալական աջակցության երկարաժամկետ ծրագիր, որում այս անգամ ներառվել է Արցախից բռնի տեղահանված թվով 42 բազմազավակ ընտանիքներից շուրջ 150 անչափահաս երեխա։

Արմինֆո. ԱՄՆ նախագահ Ջո Բայդենը և պետքարտուղար Էնթոնի Բլինքենը, որոնք օգնել են Ադրբեջանին ցեղասպանություն իրականացնել Արցախում, այժմ օգնում են Ալիևի ռեժիմին ամրագրել այդ հանցագործությունը: Ամերիկայի Հայ դատի հանձնախմբում (ANCA) այսպես են մեկնաբանել Ադրբեջանում ԱՄՆ դեսպան Մարկ Լիբիի այցն օկուպացված Արցախի Շուշի քաղաք:

Արմինֆո.Ավստրալիայի Հայ ազգային կոմիտեն "ոչ" է ասում Հայաստանի ներսում և նրա սահմաններից դուրս միակողմանի զիջումների կողմնակից ուժերին։ Այդ մասին ասվում է կառույցի ֆեյսբուքյան հրապարակման մեջ՝ ի աջակցություն "Տավուշը հանուն հայրենիքի" շարժման, որը գլխավորում է ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը ։

Արմինֆո.Ադրբեջանում ԱՄՆ դեսպան Մարկ Լիբբին տիկնոջ հետ մայիսի 6-ին այցելել է Արցախի օկուպացված Շուշի:

Արմինֆո. Ադրբեջանը պետական մակարդակով շարունակում է ոչնչացնել բռնազավթված Արցախում գտնվող հանուն հայրենիքի նահատակված հերոսներին նվիրված համալիրները։ Ինչպես հաղորդում է  «Հայկական լեռնաշխարհի մշակութային ժառանգության օմբուդսմեն» ՀԿ ղեկավար Հովիկ Ավանեսովը, այդ քաղաքականության հերթական թիրախ է դարձել Ստեփանակերտի հերոսների պանթեոնը, ինչի մասին տեղեկատվությունը տարածվում է ադրբեջանական տելեգրամ ալիքներով։

Արմինֆո.ՀՅԴ Հայ դատի Եվրոպայի գրասենյակը խստորեն դատապարտում է Հայաստանի Հանրապետության նկատմամբ Ադրբեջանի ծավալապաշտական քաղաքականությունը, մասնավորապես` ներկայումս Տավուշի մարզի նկատմամբ։

Արմինֆո. ՀՀ գլխավոր դատախազությունը 2 քրեական վարույթ է նախաձեռնել 2020 թվականի 44-օրյա պատերազմի ընթացքում ՀՀ նկատմամբ Ադրբեջանի ագրեսիայի դեպքերի առթիվ: Եվս մեկ գործ է հարուցվել ՀՀ քննչական կոմիտեում ՝ արցախցիների բռնի տեղահանման դեպքի առթիվ։ Այդ մասին մայիսի 3-ին հայտարարել է գլխավոր դատախազ Աննա Վարդապետյանը՝ խորհրդարանում իր ելույթում։ Գլխավոր դատախազի խոսքով ՝ գերատեսչությունում քննվող գործերի նկատմամբ սահմանվել է գաղտնիության ռեժիմ, իրականացվում են նաև հրապարակման ոչ ենթակա միջոցառումներ:

Արմինֆո. Տավուշի մարզում սահմանազատման եւ սահմանագծման գործընթացում պետք է հաշվի առնվեն տեղի բնակչության իրավունքները եւ անվտանգությունը: Այդ մասին ասվում է մի քանի արևմտամետ ոչ կառավարական իրավապաշտպան կազմակերպությունների համատեղ հայտարարությունում։

Արմինֆո. Հայաստանում ոչ մի դուռ չի կարող փակ լինել Սրբազանի առաջ: Նման կարծիք է հայտնել «Այլընտրանքային նախագծեր» խմբի անդամ Վահե Հովհաննիսյանը։

Արմինֆո.ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանն ընդունել է ՄԱԿ-ի Պարենի համաշխարհային ծրագրի (ՊՀԾ) հայաստանյան ներկայացուցիչ Նանա Սկաուի գլխավորած պատվիրակությանը: Նախարարի տեղակալը ողջունել է հյուրերին և խոսել ՀՀ կառավարության և ՄԱԿ-ի Պարենի համաշխարհային ծրագրի (ՊՀԾ) միջև առկա երկար տարիների արդյունավետ համագործակցությունից:

Արմինֆո.ԱՄՆ կառավարության դիտորդների խումբն Ադրբեջանն ընդգրկել է աշխարհում դավանանքի ազատության խոշորագույն խախտողների ցուցակում: Այդ մասին հաղորդում է Ամերիկայի Հայ դատի հանձնախումբը (ANCA)։

Արմինֆո.Կոնգրեսի վաթսունհինգ անդամներ նամակ են հղել Ներկայացուցիչների պալատի հատկացումների կոմիտե՝ կոչ անելով 250 միլիոն դոլարի օգնության փաթեթ տրամադրել հայ ժողովրդին: Նամակում նաեւ կոչ է արվում Ադրբեջանի նախագահ Իլհամ Ալիեւին պատասխանատվության ենթարկել՝ Լեռնային Ղարաբաղում (Արցախում) հայերի էթնիկ զտման համար:

Արմինֆո. ՀՀ ոստիկանության ուժերը մայիսի 2-ի վաղ առավոտից ապաշրջափակել են դեպի Ադրբեջանի հետ սահմանակից Կիրանց գյուղ տանող բոլոր ճանապարհները:

Արմինֆո. Այն ամենը, ինչ այսօր տեղի է ունենում Հայաստանում "սահմանների պիլոտային դելիմիտացիայի" անվան տակ, ոչ այլ ինչ է, քան Հայաստանի տարածքների մաս-մաս հանձնում Ադրբեջանին։ Այդ մասին ապրիլի 30-ին Ազգային ժողովի ամբիոնից հայտարարել է "Հայաստան" ընդդիմադիր խմբակցության պատգամավոր Արթուր Խաչատրյանը, ներկայացնելով սահմանագծման եւ սահմանազատման գործընթացի վերաբերյալ ԱԺ հայտարարության նախագիծը, որը նախատեսվում էր ներառել խորհրդարանի օրակարգում ։